Në këtë artikull do të paraqesim disa nga thëniet e çuditshme të Allahut (Kuranit) dhe Muhamedit (nga Hadithet). Shumica e këtyre thënieve nuk kanë nevojë për koment, prandaj do lëmë lexuesit të vendosin për vlerën e tyre.
1. Toka është e sheshtë:
Sura 15:19 E tokën e kemi shtruar dhe në të kemi vuar kodra dhe kemi bërë që në të të mbijnë bimë të caktuara të të gjitha llojeve.
Sura 50:7 Edhe tokën se si e kemi shtrirë, e në të kemi vendosur kodra përforcuese dhe kemi bërë që në të të mbijnë gjithfarë bimësh të bukura.
2. Dielli perëndon në një vend me lym të zi (diku në Arabi).
Sura 18:86 Deri kur vendperëndimin e diellit, e gjrti se po perëndon në njëfarë burimi me lym të zi dhe aty e gjeti një popull. E Nei thamë: "O Dhulkarnejn, ose do t'i dënosh, ose do t-i marrësh me të mirë e t'i udhëzosh!"
3. Qiejt dhe Toka ishin të ngjitura dhe Allahu i shqiti:
Sura 21:30 A nuk e dinë ata, të cilët nuk besuan se qiejt e toka ishin të ngjitura, e Ne i ndamë ato të dyja dhe ujin e bëmë bazë të jetës së çdo sendi; a nuk besojnë?
4. Njeriu është krijuar nga një copë gjaku e ngurtë:
Sura 23:14 Më pas, atë pikë uji e bëmë copë gjaku, e atë gjak të ngurtë e bëmë copë mishi, e atë copë mishi e shndërruam në eshtra, edhe eshtrave ua veshëm mishin, pastaj atë e bëmë krijesë tjetër (me shpirtë). I lartë është All-llahu, më i miri Krijues!
Sura 96:2 Krijoi njeriun prej një gjaku të ngjizur (në mitrën e nënës).
5. Allahu krijoi yjet si plumba kundër djajve:
Sura 67:5 Ne, qiellin më të afërt e kemi zbukuruar me kandila (yje ndriquese) dhe ata i kemi bërë gjuajtës kundër djajve, të cilëve u kemi përgatitur dënim me zjarr shumë të madh.
Sura 37:6-8 Vërtetë, Ne kemi stolisur qiellin më të afërt (të dynjasë) me bukurinë e yjeve. Dhe me mbrojtje prej çdo djalli të prishur. Ashtu që nuk mund të përgjojnë parinë më të lartë (engjëjt më të zgjedhur), pse gjuhen me shkëndija nga të gjitha anët
6. Dëshmia e një gruaje vlen sa gjysma e dëshmisë së një burri:
Sura 2:282 …Kërkoni të dëshmojnë dy dëshmitarë burra nga mesi juaj, e në qoftë se nuk janë dy burra, atëherë një burr e dy gra, nga dëshmitarët që i pëlqeni. (Dy gra në vend të një burri)…
7. Vjedhësve duhet t’u priten duart.
Sura 5:38 Vjedhësit dhe vjedhëses preniu duart, si shpagim i veprës që bën, (kjo masë është) dënim nga All-llahu. All-llahu është i fuqishëm, ligjdhënës i urtë.
Allah-u si ligj dhënës i urtë e jep këtë ligj, lëre po të mos ishte i urtë! Domethënë, çdo vjedhësi duhet t’i priten duart! Ky varg nuk jep as moshë për vjedhësin, as vlerën e mallit, as rrethanat. Dmth, nëse një nxënës i vjedh lapsin apo gomën shokut të klasës, atij duhet t’i priten duart! Nëse do zbatohej ky varg i Kuranit, asnjë njeri nuk do kishte duar sot, sepse nuk ka njeri që të mos ketë marrë diçka që nuk i përkiste atij, qoftë kjo edhe një gjë e vogël. Allah-u, i mëshirëploti, duket pak i rreptë këtu. Nëse një vend do zbatojë ligjet e Kuranit, DUHET që ta zbatojë edhe këtë ligj, pasi është në Kuran. A doni ju një ligj të tillë në vendin tonë?
8. Allah-u kthen njerëzit e një fshati të tërë në majmunë sepse zunë peshk ditën e Shtunë.
Sura 2:65 Ju tanimë e keni të njohur çështjen e atyre nga mesi juaj që nuk respektuan (urdhërin) në të shtunën, e Ne u thamë: Shndërrohuni në majmunë të përbuzur!
Sura 7:163-166 Dhe pyeti ti (Muhammed) për fshatin që ishte në breg të detit e ata e shkelën rendin e të shtunës (që e kishin të ndaluar gjuajtjen e peshqve), kur në të shtunën e tyre peshqit u vinin sheshazi mbi ujë, e në ditën që nuk festonin nuk u vinin. Ja, kështu i sprovuam ata ngase ishin mëkatarë. 164. Dhe kur një grup prej tyre thanë: "Përse këshilloni një popull që All-llahu do ta shkatërrojë ose dënojë me një dënim të ashpër?" Thanë (këshilluesit): "Arsyetimi para Zotit tuaj dhe me shpresë që t'ju largohen gabimeve". 165. E kur braktisën atë për të cilën ishin këshilluar, Ne i shpëtuam ata që pengonin nga të këqiat, ndërsa ata që kundërshtuan i kapëm me një dënim të fortë, ngase ishin të shfrenuar. 166. E kur ata tejkaluan me arogancë të hapët, nga ajo që ishin të ndaluar, Ne i shndërruam në majmunë të përbuzur.
Dmth, për shkak se këta njerëz zunë peshk ditën e shtunë, Allah-u i kthehu në majmunë, por jo majmunë të mirë, por nga ata të përbuzurit!!!
9. Disa djem dhe qentë e tyre fjetën për 309 vjet.
Sura 18:9-26 Për shkak të pasazhit të gjatë lexoni historinë vetë tek vargjet më lart.
1. Urina e gamiljeve të shëron.
Volumi 7, Libri 71, Numër 590: Klima e Medinës nuk ishte e mirë për mjaft njerëz, prandaj profeti i urdhëroi të ndjekin gamiljet e tij, të pinin qumështin dhe urinën e tyre (si ilaç). Ata ndoqën gamiljet dhe pinë qumështin dhe urinën e tyre derisa trupat e tyre u shëruan.
2. Temperatura vjen nga ferri.
Volumi 7, Libri 71, Numër 619: Abdullah bin 'Umar tha "Profeti tha, 'Temperatura vjen nga nxehtësia e Ferrit, kështu që shuajeni me ujë.'
3. Miza e rënë në pije është kurë.
Volumi 4, Libri 54, Numër 537: Profeti tha "Nëse një mizë bije në pijen e ndonjërit prej jush, ai duhet ta zhysë atë në pije, sepse njëri krah ka sëmundjen, tjetri ka shërimin nga sëmundja."
4. Muhamedi besonte tek syri i keq.
Volumi 7, Libri 71, Numër 636: Profeti tha, "Pasojat e syrit të keq janë fakt."
5. Eklipset janë mjeti se si Allahu i frikëson besimtarët e tij.
Volumi 2, Libri 18, Numër 158: Apostulli i Allah-ut tha: “Dielli dhe Hëna janë dy nga shenjat e Allah-ut dhe eklipset nuk ndodhin për shkak të vdekjes së dikujt, por Allah-u frikëson besimtarët e tij me to.”
6. Satani urinon në veshin e atyre që nuk shkojnë në lutje.
Volumi 2, Libri 21, Numër 245: Profetit i thanë se dikush kishte fjetur deri vonë në mëngjes pa u ngritur për lutjen e mëngjesit. Profeti tha, “Satani urinoi në veshët e tij”.
7. Hapja gojës përgjumësh është nga djalli.
Volumi 4, Libri 54, Numër 509: Profeti tha, “Hapja e gojës (si për gjumësh) është nga Satani (djalli) …”
Inkurajojmë të gjithë vizitorët që të kontrollojnë vetë çdo referencë të paraqitur më lart me Kuranin ose Hadithin. Megjithëse nuk kemi bërë shumë komente mbi këto thënie, besojmë se nuk ka nevojë për to, vargjet flasin vetë. Zoti ju bekoftë.
Shënim për besimtarët muslimanë: Në këtë artikull nuk jemi përpjekur aspak që të ofendojmë apo të ulim fenë islame, ne thjesht kemi prezantuar faktet e njohura nga burimet islamike. Ju inkurajojmë që nëse nuk ishit të njohur me këto fakte më parë, të mos i refuzoni ato, por të kontrolloni vetë ato që kemi thënë me referencat e Kuranit apo Hadith-it. Për këtë arsye kemi cituar vargje konkrete nga Kurani. Faleminderit për mirëkuptimin. Të gjitha referencat e Kuranit janë marrë nga përkthimi në shqip i Kuranit nga Sherif Ahmeti. Referencat janë cituar ashtu sic gjenden në Kuran pa ndryshuar asgjë, prandaj gabimet gramatikore, gjuhësore, apo drejtshkrimore nuk jane korrigjuar për arsye se dëshironim që të citonim Kuranin ashtu sic është, pa ndryshuar asgjë. Ky version i Kuranit mund të gjendet në internet tek: www.albislam.com/component/kurani/. Për shkak të vërtetësisë së informacionit të prezantuar këtu, ju inkurajojmë që të verifikoni vetë çdo citim nga Kurani për të gjitha referencat që kemi dhënë. Për shkak të pamundësisë për të gjetur Hadith-et në shqip, të gjitha referencat nga Hadith-et janë marrë nga burimet islamikë të Hadith-it në anglisht dhe janë përkthyer me saktësinë më të madhe. Të gjitha citimeve të bëra nga Hadith-i mund t’i referoheni tek: http://sunnah.com/bukhari
julians
11 Mars, 2015
Si fillim dua te them,qe pjeset kuranore mos i merr te shkeputura dhe jo cdo fjale ka kuptimin e pare,pra,ne rastin konkret te lymi i zi,ti e merr si te mireqene,por pervec botes fizike e t dukshme,ekziston sipas shkences dhe bota e padukshme,bota metsfizike,ndaj mos e merr si te mireqene cdo fjale,persa i perket vjedhjes dhe prerjes se duarve lexohe mire dhe studio hadothet rreth kesaj se ka sqarime,persa i perket legjisslacionit islam eshte nder me te miret qe ekzitojne dhe eshte fakt.
Permende ngjisjen e formimin e njeriut,lexo kuran e hadithe,lexo shkencen dhe do gjesh perputhje te plote bne pekcesin e zhvillimit t embrionit ne bark dhe hapave e fazave te formimit t foshnjes
Persa i perket haditheve prape i ke cunguar dhe i merr si te mireqena fjalet dhe kuptimin
Thjesht per ta mbyllur,mos e merr iniciativen te krijosh argumente,kur ske dije,kur sia ke idene si funksionin dicka,sepse jo vetem qe je gabim por ngjan dhe shume keq ne sy te atyre qe dine.Lexo dhe studio,pastaj arrij ne konkluzione.
Te pershendes !
elvis
11 Gusht, 2016
Krejt pa lidhje ...me demek se po bohesh i zgjuar e ja ke fut krejt kot....." E tokën e kemi shtruar dhe në të kemi vuar kodra " ku e shef ti qe eshte e sheshte ...se fjala shtroj nuk perdoret vetem per gjerat e sheshta ....sa per te dyten per lymin e zi sja vlen se duket qe nuk e ke lexuar fare suren po thejesht ke marr ajetin neto ....per te 3 qe qielli dh toka ishin te ngjitura e allahu i shqiti .....ca ka ktu qe nuk te pelqen ty qe qenke i mencuri i dynjase ....me siguri je ndonje pa shkoll ose ke mbaru ndonje dege filoqyli e smerr vesh fare as nga shkenca as nga feja....hap faqen e nasa dhe lexo ligjin per kozmosin dhe eshte vertetuar qe universi eshte ne zgjerim te perhershem pra distanca ndermjet galaktikave dhe yjeve sa vjen e rritet...po te kesh pak logjike dicka qe eshte gjithmone ne zjgerim po te kthejme kohen mrapsh i bi qe te ngushtohet dhe pas nje kohe te caktuar i bi qe te bashkohen gjithe galaktikat e yjet ...kshuqe mos na u hiq kot si i mencum kur smerr vesh nga asigjo.....tek e 4 sura 96:2 po te dish arabisht dhe te njohesh gjuhen e perdorur origjinal ne kuran ajo perkthehet edhe "spermen e ngjizur ne mitren e nenes "...dhe per me teper te sura 23 aty pershkruhet ndertimi i trupit njeriut jo proceset e formimit dhe rritjes se njeriut se nuk eshte liber mjeksie apo biologjie ku flitet specifikisht per ate gje ....po duket qe ke qef te kapesh pas fjaleve ....sa per 5 kot me fol se ti kur nuk beson ne fe ..ne ekzistecen e djajve nuk mund ta kuptosh kuptimin e "mbrojtjes prej djallit" apo si "gjuajtes per to " kshuqe lexo meso ...ose dhe pyet se nuk eshte turp dhe pastaj nxirr konkluzion ...edhe tek e 6 ke marr vetem nje pjese te ajetit dhe nuk e ke lexuar suren e plote ...po gjithsesi meqe pervec shknectar qenke dhe jurist i zoti dhe kerkon qe deshmia e burrit dhe gruas duhet te jet e barabarte ceshtja nuk eshte ajo shabllon sa duket ...po nuk po zgjatem me kete se shkon shume ....tek e 7 flet pre prerjen e duarve ...lexo legjislacionin islam dhe do e kuptosh se ka sqarime dhe shpjegime te qarta ....dhe sa per ta mbyll tek e fundit 8 ke treguar veten se kush je ...po pse ate kuptove ti qe na e ke shrkuar dhe poshte ..qe "meqe zun peshk diten e shtune ato u kthyen ne majmun " ...qe nuk e ke lexar kuranin dhe seren eshte e qarte ...po spo di a je "i trashe "(qe nuk e kupton qe fjalet nuk kane vetem kuptimin e drejtperdrejte ) apo dashakqes e i thu me qellim kto ....ksaj i thone te kapesh pas nje fjale e te lujm e ka kush e ka .... gjithsesi un do te thoja ta leje kte mendjemadhesin tende e mos bo si i zgjut kot ...un jam shum i dobet per te bo kopetentin ne fe por te siguroj qe po te kishe shkuar tek nje teolog nuk do e kishe bo kte artikull fare se do ishe sqaruar ne menyre te perpikte
Shto Komentin
Në dallim nga cdo besim tjetër, jeta e përjetshme sipas Biblës është një dhuratë që ofrohet falas dhe vetëm duke besuar tek Jezus Krishti... më tepër
është një faqe e përkushtuar mësimit dhe shpjegimit të Biblës
për të gjithë ata që kanë interes për të mësuar rreth krishtërimit sipas interpretimit biblik
në dallim nga traditat fetare ose sociale.
Kot mundohesh te gjesh gabime ne Kuranin Famelarte! Po ta lexosh Suren qe nga fillimi dhe jo vetem nje ajet vecmas, nuk ka asgje te cuditshme dhe cdo gje eshte e vertete! Mund te them qe jane mrekulli te zbuluara se fundmi ne shekullin ku jetojme, keshtu qe here tjeter perditesohu me te rejat dhe mos merr vetem copy-paste nga interneti! ;)
1 rate up rate down