• Kryesore
  • Editoriale
  • Skepticizëm
  • Tematike
  • Diskutime
  • Pyetje
  • IDENTIFIKOHU
Vizioni për Shqipërinë në këndvështrimin Biblik Identifikohu / Regjistrohu
0 komente
0

Ku është Zoti, unë nuk e kam parë ndonjëherë?

Në fakt ju nuk jeni i vetmi që keni këtë pyetje. Edhe unë kisha të njëtjën pyetje kur besoja në evolucionin. Kjo pyetje mund të ndahet në dy pjesë.

Pjesa e parë ka të bëjë me pyetjen që nëse nuk e shohim Zotin, atëherë a ekziston Ai në të vërtetë, ose pse nuk e shohim dot Zotin, dhe pyetja e dytë mund të shkruhet: ku është Zoti?

Fakti që nuk e shohim dot Zotin nuk do të thotë që ai nuk ekziston. Ka mjaft gjëra që ne nuk i kemi parë ndonjëherë dhe përsëri besojmë në to. P.Sh. sa prej jush keni parë ndonjëherë trutë apo mushkëritë tuaja? Sa prej jush e keni parë ndonjëherë erën? Po forcën e rëndesës? Megjithatë të gjithë ne besojmë në to.

Ka dy arsye kryesore pse nuk e shohim dot Perëndinë. E para ka të bëjë me natyrën e qënies së Perëndisë.

Perëndia është Frymë, dhe ata që e adhurojnë duhet t’a adhurojnë në frymë dhe në të vërtetën.Gjoni 4:24

Syri i njeriut është krijuar për të parë gjëra të caktuara, dhe frymërat nuk janë një prej tyre, por kjo nuk do të thotë që ato nuk ekzistojnë. Veshët e njeriut u krijuan për të dëgjuar tingujt me një frekuencë nga 1 Hz deri 20000 Hz. Çdo tingull tjetër është i pakapshëm nga veshët e njeriut, por kjo nuk do të thotë që nuk ekzistojnë tinguj (valë) të tjera jashtë këtyre frekuencave.

Arsyeja e dytë ka të bëjë me Lavdinë e Perëndisë.

ai që i vetmi e ka pavdekësinë dhe rri në dritë të paafrueshme, të cilën asnjë njeri nuk e ka parë kurrë dhe as mund ta shohë; atij i qoftë nderi dhe pushteti i përjetshëm.1 Timoteut 6:16

Provoni njëherë këtë: në një ditë të bukur, pa re, provoni që të shikoni diellin drejtpërdrejt, pa syze apo ndonjë objekt të errët, për rreth dhjetë minuta. A e bëni dot? Nuk besoj që po! Por nëse nuk shikoni dot diellin si mundet të shikoni atë që e bëri diellin? Në fakt dielli nuk është aspak një yll i fortë, e megjithatë nuk mund të shihet drejtpërdrejt. Kur mendon se sa miliarda yje Zoti ka krijuar, kupton që lavdia e Tij është aq e madhe saqe asnjë nuk mund ta shohë e të jetojë.

Bibla jep një histori në lidhje me këtë temë, kur Moisiu i kërkoi Perëndisë që ta shihte tek Eksodi 33.

Atëherë Moisiu tha: “Tregomë lavdinë tënde!” Zoti iu përgjigj: “Ti nuk mund të shikosh fytyrën time, sepse asnjë njeri nuk mund të më shikojë dhe të jetojë”.

Përsa i përket pyetjes se ku është Zoti, Bibla tregon se froni i Perëndisë ndodhet përmbi yjet, në drejtim të veriut (interesante që çdo busull tregon veriun). Megjithatë Bibla gjithashtu thotë që Zoti është i kudogjendur. Kjo nuk do të thotë aspak si panteizmi se Zoti është në natyrë, në lulet, pemët, etj, por do të thotë që një nga karakteristikat e Perëndisë është fakti që Ai është i kudogjendur. Një pasazh mjaft i fuqishëm mbi këtë temë është Psalmi 139 (që ne ju inkurajojmë që ta lexoni).

Në përfundim, fakti që nuk e shohim Zotin, nuk do të thotë askak që nuk mund ta njohim atë apo vullnetin e Tij për jetët tona, sepse Zoti na flet dhe na drejton nëpërmjet Fjalës së Tij, Biblës.

0 komente për: Ku është Zoti, unë nuk e kam parë ndonjëherë?

Shto Komentin

  • Përfshihu
  • Regjistrohu në faqe
  • Komento artikujt
  • Voto artikujt dhe komentet
  • Na kontakto me pyetje
  • Bëj sugjerime për përmirësime
  • Dhuro
  • Dhuratë për ty
  • Në dallim nga cdo besim tjetër, jeta e përjetshme sipas Biblës është një dhuratë që ofrohet falas dhe vetëm duke besuar tek Jezus Krishti... më tepër
  • Rreth albavizion.com
  • është një faqe e përkushtuar mësimit dhe shpjegimit të Biblës për të gjithë ata që kanë interes për të mësuar rreth krishtërimit sipas interpretimit biblik në dallim nga traditat fetare ose sociale.
Copyright 2014, albavizion.com - të gjitha të drejtat e rezervuara Kontaktoni me ne