Padyshim që Bibla nuk mund të përmbajë çdo hollësi të gjërave që ne mund të hasim në jetë dhe të japë një urdhër apo këshillë për çdo gjë, prandaj shpesh herë lind pyejta: Po nëse përballohem me diçka, dhe kur shkoj në Bibël atëherë nuk gjej asnjë gjë në lidhje me këtë situatë, çfarë duhet të bëj?

Le të kuptojmë që kjo pyetje ka të bëjë me ata që kanë pranuar Jezusin në jetën e tyre si Zot dhe shpëtimtar. Nëse ju akoma nuk e keni marrë këtë vendim, atëherë gjëja e parë që Zoti kërkon nga ju është që ju të pranoni faljen e mëkateve nga Perëndia duke pranuar Jezusin.

Por nëse e keni marrë një vendim të tillë, atëherë kjo pyetje është për ju. Megjithëse Bibla nuk i përfshin të tëra situatat që mund të ndodhin, ajo përsëri përmban disa parime që nëse ne i mbajmë mend, ato zbatohen për çdo situatë. Nëse Bibla do të përmbante një urdhër për çdo situatë të caktuar, atëherë Bibla do të kishte të paktën 1,235,253,231,423,231 faqe, sepse situatat janë nga më të ndryshmet, dhe më thoni ju kush do e kishte lexuar të gjithë Biblën. Por në të kundërt Zoti na dha një libër që mund ta mbajmë në dorë dhe ta marrim me vete kudo që të jemi dhe që përmban çdo parim që na duhet për të zgjidhur çdo lloj situate. Atëherë, nëse ju jeni në një situatë për të cilën Bibla nuk thotë diçka specifike, përdorni këto parime për të vendosur se çfarë duhet të bëni:

Nëse ju mund t’i përgjigjeni “PO” të gjitha pyetjeve të mësipërme me ndërgjegje të pastër përpara Perëndisë, atëherë mund ta bëni atë gjë, megjithëse në Bibël nuk thuhet konkretisht bëje ose mos e bëj. Ajo që ka rëndësi është që ju pasi i keni bërë këto pyetje vetes të jeni i bindur për zgjedhjen tuaj, sepse Bibla thotë tek Romakët 14:23 se “... çdo gjë që nuk bëhet me besim, është mëkat.”

Shpresojmë që kjo t’ju ketë ndihmuar sado pak. Ne ju inkurajojmë që të lexoni dhe artikullin “A mund të shpjegosh legalizmin në kishë”, për të mësuar për një nga gjërat më të rrezikshme në kishë. Zoti ju bekoftë.